ખેરગામ વેણ ફળિયાની વાવ ફાટક નજીક ક્રિકેટ ટુર્નામેન્ટનું સફળ આયોજન.
આજ રોજ ખેરગામના વેણ ફળિયાની વાવ ફાટક નજીક cricket ટુર્નામેન્ટનું ઉત્સાહપૂર્ણ આયોજન કરવામાં આવ્યું. આ ટુર્નામેન્ટનું ઉદ્ઘાટન યુવા આગેવાન સુમિત પટેલ અને નિકુંજ પટેલના હસ્તે કરવામાં આવ્યું.
આ કાર્યક્રમનું આયોજન મિતેષ પટેલ, હિતેશ પટેલ, રાજેશ પટેલ, સાવંત પટેલ અને નિકુંજ પટેલની સંયુક્ત મહેનત દ્વારા કરવામાં આવ્યું હતું, જેમાં વેણ ફળીયા ગૃપના સભ્યોએ મહત્ત્વપૂર્ણ ભૂમિકા ભજવી.
આ ટુર્નામેન્ટનો મુખ્ય હેતુ વેણ ફળિયાના યુવાનોમાં એકતા અને ભાઈચારા વધારવો હતો, જેથી સમાજમાં સૌહાર્દપૂર્ણ વાતાવરણ જળવાય રહે. રમતોના માધ્યમથી ફળિયાની એકતા મજબૂત કરવામાં આવી અને તમામ ઉમરનાં લોકો માટે આ ટુર્નામેન્ટ આનંદદાયક હતી.
આ પ્રસંગે પ્રિતિભોજનનું પણ આયોજન કરવામાં આવેલ હતું, જેને ઉપસ્થિત લોકોએ ખાસ પસંદ કરી અને દિવસની મજા માણી. આ પ્રસંગે યુવાનો, બાળકોથી લઈને વૃદ્ધો, મહિલાઓ અને પુરુષો ક્રિકેટ રમતાં અને ખેલાડીઓનો ઉત્સાહ વધારતાં જોવા મળ્યા.
આ ટુર્નામેન્ટએ ફળિયામાં સંપ અને એકતા જાળવવાનો સરાહનીય પ્રયાસ કર્યો અને સમગ્ર વાતાવરણને ખુશી અને ઊર્જાથી પરિપૂર્ણ કર્યું.
0 Comments